An Probinsya nin Gandaki (Nepali: गण्डकी प्रदेश [ɡʌɳɖʌki]) Listen (tabang·info)), iyo an saro sa pitong mga probinsyal na pederal na naitugdas kan sa ngunyan na konstitusyon kan Nepal na kun sain ipigproklama kan ika-20 Setyembre 2015.[1]
An kapitolyo syudad kan probinsya na ini iyo an Pokhara. Nasasagkudan kaini an Nagsasadiring Rona kan Tibet kan Tsina sa amihanan, sa subangan man iyo an probinsya nin Bagmati dangan an probinsya nin Karnali sa sulnopan, asin yaon kaini sa habagatan an Probinsya nin Lumbini asin Bihar kan Indya. An kabilugan na hiwas kan probinsya iyo an maabot sa 21,504 km2 - haros 14.57% kan kabilugan na hiwas kan nasyon. Susog sa pinakaulahing sensus, an populasyon kan probinsya maabot sa 2,403,757.[2]
Pinapusog kan bagong halal na Asembleya kan Probinsiya an Probinsya nin Gandaki bilang permanenteng pangaran sa paagi kan pagribay sa inot na pangaran kaini na Probinsya blg. 4 kadtong Hulyo 2018. Si Krishna Chandra Nepali iyo an sa ngunyan na punong ministro kan Probinsya nin Gandaki.
© MMXXIII Rich X Search. We shall prevail. All rights reserved. Rich X Search